Amharic Tube - All Amharic TV Channels and Shows
Welcome
Login

Deacon Daniel Kibret - The Cross that fall from sky

You need to have the Flash Player installed and a browser with JavaScript support.

Thanks! Share it with your friends!

URL

You disliked this video. Thanks for the feedback!

URL


Published by Administrator in Ethiopian Shows
20,154 Views
Watch new Ethiopian movies. Visit the new Sodere.com website or download the mobile application for iPhone and Android. Choose your phone type. iPhone   Android     iPad

Post your comment

Comments

  • Eyerus tesfaye Added Kale hiwet yasemaln
  • Abebe Tesfa Added Kalehiot yasemalin
  • habt Added amen!!! kalehiwotin yasemalin,rejim edemen amlk yistilin!
  • lij mekuanenet Added kale hiwot yasemalen
  • Heluos Added ራሱ ሰማይ የሚደርስ መሰላል



    "አሁንም የሠራዊት ጌታ እግዚአብሔር እንዲህ ይላል:-
    ልባችሁን በመንገዳችሁ ላይ አድርጉ::" ሐጌ 1፣5

    የእግዚአብሔር ቃል ልባችንን በመንገዳችን ላይ እንድናደርግ ይመክረናል:: በምን አይነት መንገድ ላይ እየተጓዝን እንዳለን ልንመረምር ይገባናል:: ከሁሉም በላይ መንገዱ ወዴት እንደሚወስድና እንደሚያመራ በትክክል ማወቅ አለብን:: በምድር ላይ ብዙ መንገዶች አሉ፣ ሁሉም ግን ያሰብነው ስፍራ አያደርሱንም:: ስለዚህ ትክክለኛውን መንገድ መምረጥና መጓዝ ከዚያም ልባችንን በመንገዳችን ላይ አድርገን መመርመር ይገባናል::

    ዛሬ ብዙ ሰዎች በመኪናቸው ወዴት እንደሚሄዱ ያውቃሉ፣ የተሳፈሩትም አውቶቡስ የት እንደሚያደርሳቸው ጠንቅቀው ያውቃሉ፣ እንዲያውም አንዳንድ ሰዎች እጅግ የሚያስገርም የመንገድ እውቀት አላቸው:: ነገር ግን ብዙዎቹ የሕይወታቸው ጉዞ ወዴት እንደሚያደርሳቸው አያውቁም:: የመረጡት ሕይወት መጨረሻው ምን እንደሆነ እርግጠኞች አይደሉም:: የተሳሳተ መንገድ ላይ ይሁኑ አይሁኑ የሕይወታቸውን መንገድ የማይመረምሩ ጥቂቶች አይደሉም::

    ወገኔ ሆይ፣ ወዴት እየሄድክ ነው? ይህ አኗኗርህ ወዴት ያደርስሃል? ትክክል ነው ብለህ የምትከተለው ሕይወትህና ሃይማኖትህ መጨረሻው ምንድነው? የተሳፈርክበት የሕይወትህ አውቶቡስ ወዴት እንደሚወስድህ በእርግጥ ታውቅ ይሆን? ወይስ ወዴት እየሄድክ እንደሆነ ቆም ብለህ አትመረምር ይሆን? ምናልባትም የትኛውንም መንገድ ብመርጥ ግድ የለም ትል ይሆናል:: የእግዚአብሔር ቃል ግን እንዲህ ሲል ይመክረናል:-

    "ልባችሁን በመንገዳችሁ ላይ አድርጉ"!

    ወገኔ ሆይ፣ ልብህን በመንገድህ ላይ አድርግ ! ወይስ ወዴትና በምን መንገድ ላይ እንደምትሄድ የማታውቅ ግራ የተጋባህ ሰው ነህ? እንደዚህ አይነት ሰው ከሆንክ አንድ ነገር ከእግዚአብሔር ቃል አብረን እንድንመለከት እጋብዝሃለሁ::

    ያዕቆብ የሚባል አንድ ሰው ከቤተሰቦቹ ተሰድዶ በማያውቀው መንገድ ወደማያውቀው አገር በጉዞ ላይ እያለ እግዚአብሔር በሌሊት ተገልጦ አንድ አስገራሚ ሕልም ያሳየዋል:: በመሬት ተተክሎ ራሱም ሰማይ የሚደርስ በላዩ ላይም መላእክት የሚወጡበትና የሚወርዱበትን ታላቅ መሰላል ይመለከታል:: በመሰላሉም ራስ ላይ ሆኖ እግዚአብሔር ያዕቆብን ይናገረዋል:: ያዕቆብም ይህን አስገራሚ መሰላል ካየ በኋላ ከእንቅልፉ ሲነቃ ምን እንዳለ ታውቃለህ? "...ይህም የሰማይ ደጅ ነው::" አለ:: ዘፍ 28፣10-19 ስለዚህ የዚያን ሕልም ያየበትን ስፍራ ስም ቤቴል ብሎ ጠራው ትርጓሜውም የእግዚአብሔር ቤት ማለት ነው::

    ያዕቆብ ወደማያውቀው አገር በጉዞ ላይ እያለ እግዚአብሔር ያሳየው አንድን ታላቅ መሰላል ነበረ:: ለመሆኑ በመሬት ላይ ተተክሎ ራሱ ሰማይ የሚደርስ መሰላል ምንድነው? እንደዚህ አይነትስ መሰላል አለ ወይ? ወገኔ ሆይ፣ በምድር ላይ የተተከሉ ብዙ መሰላሎች ቢኖሩም ራሱ እግዚአብሔር ዘንድ የሚደርስ መሰላል በዚች ምድር የለም:: ይህ ሰው ሰራሽ ምድራዊ መሰላል ሳይሆን ከእግዚአብሔር የሆነ ሰማያዊ መሰላል ነው::

    ያዕቆብ ከወንድሙ ተሰድዶ ወደማያውቀው አገር በማያውቀው መንገድ ላይ በመጓዝ ላይ እያለ ነበረ እግዚአብሔር ይህንን የሚያስገርም መሰላል ያሳየው:: ወገኔ ሆይ፣ በማታውቀው የሕይወት መንገድ ላይ እየተጓዝክ ነው? ወዴት እንደምትሄድ እርግጠኛ አይደለህም? ወደማታውቀው ስፍራ እየሄድክ ነው? ዛሬም እግዚአብሔር የሚያሳይህ ይህን ታላቅ መሰላል ነው:: ወደ እግዚአብሔር የሚያደርስ ብቸኛ መሰላል!

    ነገር ግን ይህ መሰላል ምንድነው? ሰውንና እግዚአብሔርን የሚያገናኝ መሰላል የት ነው የሚገኘው? መሬትና ሰማይ የሚገናኙበትስ የሰማይ ደጅ ማነው? መላእክትስ የሚወጡበትና የሚወርዱበት ምን ዓይነት መሰላል ነው? መልሱን በዮሐንስ ወንጌል ላይ እናገኛለን::

    "ኢየሱስ መልሶ:- ...እውነት እውነት እላችኋለሁ፣ ሰማይ ሲከፈት የእግዚአብሔርም መላእክት በሰው ልጅ ላይ ሲወጡና ሲወርዱ ታያላችሁ አለው::" ዮሐ 1፣51-52

    ወገኔ ሆይ፣ መላእክት የሚወጡበትና የሚወርዱበት ታላቁ መሰላል ራሱ ኢየሱስ ክርስቶስ ነው:: ሰማይንና ምድርን፣ ሰውንና እግዚአብሔርን የሚያገናኝ ብቸኛ መንገድ ጌታ ኢየሱስ ነው:: ማንም ወደ እግዚአብሔር ለመቅረብ ቢፈልግ ትክክለኛውን መንገድ መያዝ አለበት:: ራሱ ሰማይ የሚነካውንም መሰላል ማግኘት አለበት:: እርሱም ክርስቶስ ነው:: ኢየሱስ ወደ እግዚአብሔር የሚያደርስ ብቸኛ መንገድ ነውና::

    "ኢየሱስም:- እኔ መንገድና እውነት ሕይወትም ነኝ በእኔ በቀር ወደ አብ የሚመጣ የለም::" ዮሐ 14፣6

    ይህ ሊለወጥ የማይችል የጸና የእግዚአብሔር ቃል ነው:: በኢየሱስ በሰተቀር ወደ እግዚአብሔር ሊመጣ የሚችል ማንም የለም::

    ወገኔ ሆይ፣ በምድር ላይ የተዘረጋ መሰላል ሁሉ ወደ እግዚአብሔር አያደርስም:: መሰላል ሁሉ ራሱ ሰማይ አይነካም:: ስለዚህ ልብህን በመንገድህ ላይ አድርግ ! በየትኛው መሰላል ላይ እየወጣህ ነው? የትኛውን መንገድ ነው የያዝከው? የደኅንነት መንገድ የሆነውን ኢየሱስን ይሆን?

    ሰው ሰራሽ የሆኑ በምድር ላይ የተተከሉ ራሳቸው ግን ሰማይ የማይደርስ ብዙ ሃይማኖቶችና የኑሮ መሰላሎች አሉ:: ያንተስ መሰላል ራሱ የት ነው? በእርግጥ ወደ እግዚአብሔር ያደርስህ ይሆን? ወገኔ ሆይ፣ ልብህን በመንገድህ ላይ አድርግ ! ራሱ ሰማይ የሚነካ መሰላል ኢየሱስ ብቻ ነው:: የሕይወትህ መንገድ ኢየሱስ ነው ወይ? ካልሆነ ከወጣህበት መሰላል ላይ ውረድ ! ወደ እግዚአብሔር ሊያደርስህ በሚችለው ሰማያዊ መሰላል ላይ ውጣ ! ያዕቆብ በማያውቀው መንገድ በጉዞ ላይ እያለ እግዚአብሔር ያመለከተው ወደዚህ ልዩ መሰላል ነው:: እርሱም ኢየሱስ ክርስቶስ ነው::

    ወገኔ ሆይ፣ በምድር ላይ የተዘረጋ መንገድ ሁሉ ወደ እግዚአብሔር አያደርስም:: ሁሉም መንገድ የሕይወት መንገድ አይደለምና:: ሁሉም ደጅ የሰማይ ደጅ አይደለም::

    "በጠበበው ደጅ ግቡ፣ ወደ ጥፋት የሚወስደው ደጅ ሰፊ፣ መንገዱም ትልቅ ነውና፣ ወደ እርሱም የሚገቡ ብዙዎች ናቸው፣ ወደ ሕይወት የሚወስደው ደጅ የጠበበ፣ መንገዱም የቀጠነ ነውና፣ የሚያገኙትም ጥቂቶች ናቸው::" ማቴ 7፣13-14

    በመጽሐፍ ቅዱስ የተጠቀሱት ሁለት ደጆችና ሁለት መንገዶች ብቻ ናቸው:: ወይ ወደ ጥፋት የሚወስድ ደጅ ወይም ወደ ሕይወት:: ወይ ወደ ጥፋት የሚወስድ መንገድ ወይም ወደ ሕይወት:: ወገኔ ሆይ፣ ወዴት እየሄድክ ነው? የጥፋት መንገድ ላይ ወይስ የሕይወት መንገድ ላይ ነህ? ልብህን በመንገድህ ላይ አድርግ ! መንገድህ ኢየሱስ ካይደለ የጥፋት መንገድ ላይ እንደሆንክ እወቅ:: በየትኛው ደጅ ይሆን የገባኸው? በሕይወት ወይስ በጥፋት ደጅ? የገባህበት ደጅ ክርስቶስ ካይደል የጥፋት ደጅ መሆኑን እወቅ:: እውነተኛ ሰማይንና ምድርን፣ እግዚአብሔርንና ሰውን የሚያገናኝ መሰላል ኢየሱስ ብቻ ነውና:: ክርስቶስ እውነተኛ የሰማይ ደጅ ብቸኛም የመዳን በር ነው::

    "በሩ እኔ ነኝ፣ በእኔ የሚገባ ቢኖር ይድናል..." ዮሐ 10፣9

    በያዕቆብና በእግዚአብሔር፣ በሰማይና በምድር፣ በሰውና በእግዚአብሔር መካከል የተዘረጋ ሌላ መሰላል የለም:: ወገኔ ሆይ፣ ሌላው መሰላል ሁሉ ሰው ሰራሽ ነው:: በሰውና በእግዚአብሔር መካከል ያለ ብቸኛ መንገድ፣ ወደ ሕይወት የሚወስድ ብቸኛ በር የእግዚአብሔር ልጅ ኢየሱስ ክርስቶስ ብቻ ነውና::

    "አንድ እግዚአብሔር አለና፣ በእግዚአብሔርና በሰውም መካከል ያለው መካከለኛው ደግሞ አንድ አለ፣ እርሱም ሰው የሆነው ክርስቶስ ኢየሱስ ነው፣" 1ጢሞ 2፣5

    የጀመርከው መንገድ የማያድንህ ከሆነ ተመለስ ! የምትወጣበት መሰላል ወደ እግዚአብሔር የማያደርስህ ከሆነ ውረድ ! የሕይወትህ ጉዞ መጨረሻው ምን እንደሆነ እርግጠኛ ካልሆንክ ቆም ብለህ አስተውል ! ወገኔ ሆይ፣ በዚች ምድር የምትኖረው አንድ ጊዜ ብቻ ነውና በተሳሳተ መንገድ ተጉዘህ ወደ ጥፋት ከደረስህ በኋላ ተመልሰህ እንደገና ማስተካከል አትችልም:: "የጭንቀት ቀን ሳይመጣ በጉብዝናህ ወራት ፈጣሪህን አስብ..." መክ 12፣1 ስለዚህ ትንፋሽህ በአንተ ዘንድ እያለች ዛሬ ልብህን በመንገድህ ላይ አድርግ:: ብቸኛ የእግዚአብሔር መንገድ የሆነውን ኢየሱስን ተከተል ! እርሱ በእርግጥ ወደ እግዚአብሔር ያደርስሃል፣ ወደ ሕይወትም ይመራሃል::
  • Heluos Added @fekadu i didn't criticize Dani i am sorry you can see what you wrote in this wall i just wrote about your lord because if you have eyes you can read that the most important thing the center to be Christianity it isn't a cross weather it comes from sky or earth the center of Christianity is Jesus crsite himself no other thing if you fix your eye on him he is source of life i don't care about any thing lemedanachine kulife negeru eyesu kiristose erasu bemeskele laye yafesewe demi newe eza meskel kesemaye werede ezime werede cristose ande yafesewe demi newe yeyadenewe mesleline kibire yasetewe cristose erasu newe ayinachine be su laye enadrigi ena ene yaerahute negere asharo mesilo ketesemahe .....ere yiridahe .....memiher daniel yemidegife esume yemiastemire timihert newe yetsafikulhe
    zareme medane bekersitose newe
    የደም መሥዋዕት



    እግዚአብሔር ለሰው ልጆች ሊያደርግላቸው ከሚፈልገው ነገሮች ሁሉ ዋናውና ትልቁ ነገር ኃጢአትን ማስወገድ ነው:: ኃጢአት የሰዎች የችግራቸውና የመከራቸው ዋነኛ ሥርና ምክንያት ነውና:: የሕይወትና የበረከት ምንጭ ከሆነው ከአምላካቸው ከእግዚአብሔር ያለያያቸውና ያጣላቸው ዋናው ነገር ኃጢአት ነው:: ኃጢአት በሰዎች ታሪክ ሁሉ የሰው ልጆች የሞትና የመከራ፣ የሃዘንና የለቅሶ ምንጭ ነው:: የሰዎችን ከእግዚአብሔር መራቅ ስለዚህም ደግሞ የሕይወት እርካታ አለማግኘታቸውና የመቅበዝበዛቸው፣ እርስ በርስ ፍቅር የማጣታቸው፣ በመጨረሻም ለዘላለም ፍርድና ስቃይ ለሲኦልም የሚያበቃቸው ዋነኛ ክፉ የሰዎች ጠላት ኃጢአት ነው::

    ስለዚህ ኃጢአትን ማስወገድ ለሰው ልጆች ከሚያስፈልጋቸው እርዳታ ሁሉ በፊት በቀደምትነት የሚጠቀስ አንገብጋቢ ጉዳይ ነው:: ከምግብና ከመጠጥ በፊት ከሥጋ ጤንነት ሁሉ በፊት የነፍስ መዳን ቀዳሚነት ያለው ነገር ነው:: ለዚህም ደግሞ ኃጢአት መወገድ አለበት:: ኃጢአት እያለ ከፍርድ መዳን የለም፣ ኃጢአት እያለ ከእግዚአብሔር ጋር መታረቅና የዘላለም ሕይወት፣ የእግዚአብሔርንም መንግስት መውረስ የለም:: የጥያቄአችን ሁሉ መልስ ከሆነው ከእግዚአብሔር ጋር ለመታረቅ በመጀመርያ ደረጃ የሰው ልጆች የኃጢአት ችግር መፍትሔ ማግኘት አለበት:: ሌላው ሁሉ ከዚያ በኋላ የሚመጣ ነው:: ብዙ ሃይማኖቶች ለዚህ የሰው ልጆች ሁሉ የችግር ሥር ለሆነው ለኃጢአት በቂ መልስ የላቸውም:: አንዳንዶቹ እንዲያውም ፈጽመው አያነሱትም:: ነገር ግን ሰውንና እግዚአብሔርን ለለየው የሰዎች ዋነኛ ችግር መልስ እስካልተገኘ ድረስ የሞተ የሃይማኖት ሥርዓት ብቻ ለሰዎች መፍትሄ አይሆንም::

    ሐኪሞች የሚሰማንን የሕመም ስሜት ስንነግራቸው ሕመማችንን ብቻ ለማስታገስ አይሞክሩም:: ነገር ግን የበሽታችንን መንስኤና ሥር ለማወቅና ለማስወገድ ነው የሚፈልጉት:: እግዚአብሔርም ሰዎች የሚያጋጥማቸውን ስቃይ ለማስታገስ ብቻ አይሞክርም:: በሰዎች ላይ የምናያቸው መልካም ያልሆኑ ነገሮች ሁሉ አንድ ትልቅና ሥር የሰደደ ችግር እንዳለ ነው የሚያሳየን፣ ይህም የሰው ልጆች ኃጢአት ነው:: መግደልና ማመንዘር፣ ጥላቻና ጠብ፣ ክፋትና ምቀኝነት፣ ስርቆትና ውሸት፣ ስካርና ዝሙት፣ ገንዘብን መውደድና ስስት...ወዘተ እነዚህና የመሳሰሉት ናቸው እንግዲህ የሰው ልጆችን ወደ ጥፋት የሚነዱት፣ የመከራውና የዕንባው መንስኤ የሆኑት፣ ከአምላኩ ያራቁትና ለዘላለም ፍርድ የሚዳርጉት:: የትኛውም ሃይማኖት ለዚህ ጥያቄ መልስ የለውም:: በማንም የሃይማኖት መሪና ነብይ ዘንድ ለኃጢአት መፍትሔ አይገኝም:: የዚህ ምድር የሃይማኖት መሪዎችና ጠቢባን፣ በኃጢአት ምክንያት ለሚደርስብን ሕመም ምናልባት ማስታገሻ ይሰጡን ይሆናል እንጂ ኃጢአትን ራሱን ማስወገድ የሚችል እግዚአብሔር ብቻ ነው::

    እግዚአብሔር ለመሆኑ ኃጢአትን የሚያስወግደው እንዴት ነው? በተለያዩ የሃይማኖት ሥርዓቶች ነው? የተለያዩ ቦታዎች ሄደው ሰዎች እንዲሰግዱ በማድረግ ነው? ወይስ በጸሎት ርዝመት? በጾምና ራስን በተለያዩ ነገሮች በመጉዳት ይሆን? ወይስ እንዲያው ስለ ኃጢአት ምንም ባለማንሳትና እንደሌለ በመቁጠር?

    በእግዚአብሔር ቃል ውስጥ ኃጢአትን ሊያስተሰርይ (ሊሽር) የሚችል አንድ ነገር ብቻ እንደሆነ እናነባለን::

    "የሥጋ ሕይወት በደሙ ውስጥ ነውና፣ ደሙም ከሕይወቱ የተነሳ ያስተሰርያልና በመሠዊያው ላይ ለነፍሳችሁ ማስተሰረያ ይሆን ዘንድ እኔ ለእናንተ ሰጠሁት::" ዘሌ 17፣11

    "...ደምም ሳይፈስ ስርየት የለም::" ዕብ 9፣22

    እግዚአብሔር ለሰዎች ኃጢአት የሰጠው ብቸኛ ማስተሰረያ ደም ነው:: ያለ ደምም የኃጢአት ስርየት የለም:: ደም የሌለው መስዋዕት ኃጢአትን ያስተሰርይ ዘንድ፣ ሰውንና እግዚአብሔርንም ያስታርቅ ዘንድ ብቁ አይደለም:: ኃጢአት እጅግ ከፍተኛ ዋጋ የሚያስከፍል ድርጊት ነውና:: ኃጢአትን የሚሠራ ሁሉ በራሱ ሕይወት መክፈል አለበት:: ኃጢአት የሠራ ሰው ከሞት ባነሰ ቅጣት አይቀጣም:: ኃጢአት መሥራት በሕይወት ላይ መፍረድ ማለት ነው::

    "የኃጢአት ደመወዝ ሞት ነውና..." ሮሜ 6፣23

    ከደም በስተቀር ምንም አይነት ሃይማኖታዊ ሥርዓት፣ ስግደትና ጾም ረጅምም ጸሎት...ወዘተ ኃጢአትን ሊያስተሰርይ አይችልም::

    "የሥጋ ሕይወት በደሙ ውስጥ ነውና፣ ደሙም ከሕይወቱ የተነሣ ያስተሰርያልና..." ዘሌ 17፣11

    ስለዚህም በብሉይ ኪዳን ሰዎች ኃጢአት ሲሠሩ ኃጢአታቸው ይሰረይ ዘንድ የተለያዩ የከብቶች መስዋዕትን ለእግዚአብሔር ማቅረብ ነበረባቸው::

    "...ማናቸውም ሰው ሳያውቅ ኃጢአት ቢሠራ፣ እግዚአብሔርም:- አትስሩ ካላቸው ትእዛዛት አንዲቱን ቢተላለፍ ...ስለ ሠራው ስለ ኃጢአቱ ነውር የሌለበት ወይፈን ለእግዚአብሔር ለኃጢአት መስዋዕት ያቀርበዋል:: ወይፈኑንም ወደ መገናኛው ድንኳን ደጃፍ በእግዚአብሔር ፊት ያመጣዋል፣ እጁንም በወይፈኑ ራስ ላይ ይጭነዋል፣ ወይፈኑንም በእግዚአብሔር ፊት ያርደዋል:: የተቀባውም ካህን ከወይፈኑ ደም ወስዶ ወደ መገናኛው ድንኳን ያመጣዋል፣ ካህኑም ጣቱን በደሙ ውስጥ ነክሮ በእግዚአብሔር ፊት በመቅደሱ መጋረጃ ፊት ደሙን ሰባት ጊዜ ይረጨዋል::" ዘሌ 4፣2-6

    በብሉይ ኪዳን ማንኛውም ሰው ለኃጢአት መሥዋዕትን ሲያቀርብ ሊያስተውል የሚገባው ሶስት ዋና ዋና ነገሮች አሉ::

    በመጀመሪያ የሚቀርበው መስዋዕት ነውር የሌለው መሆኑን ማረጋገጥ ነው:: ይህም ማለት የሚቀርበው እንስሳ፣ አንካሳ ወይም እውር ያልሆነ ወይም የቆዳ በሽታ የሌለበትና ፍጹም ጤነኛ መሆኑን ማረጋገጥ ነው:: ምክንያቱም ነውር ያለበትን መስዋዕት ለእግዚአብሔር ማቅረብ በጥብቅ የተከለከለ ነው:: ቢቀርብም ኃጢአትን ሊያስተሰርይ አይችልም::

    "በአምላክህ በእግዚአብሔር ፊት የተጠላ ነውና ነውር ወይም ክፉ ነገር ያለበትን በሬ ወይም በግ ለአምላክህ ለእግዚአብሔር አትሠዋ::"
    ዘዳ 17፣1

    "ነውረኛ ወይም አንካሳ ወይም ዕውር ቢሆን፣ ወይም አንዳች ክፉ ነውር ቢኖረው ለአምላክህ ለእግዚአብሔር አትሠዋው::" ዘዳ 15፣21

    ስለዚህ ማንኛውም ሰው ለመሥዋዕት የሚያቀርበው እንስሳ አንዳች ነውር እንደሌለው ማረጋገጥ ቅድሚያ የሚሰጠው ተግባር ነው:: ለመሥዋዕት የሚቀርበው እንስሳ ነውር የሌለው ንጹህ መሆኑ ከተረጋገጠ ወደ እግዚአብሔር ፊት ወደ መሠዊያው ያመጣዋል:: በድብቅ የሚታረድ ሁሉ በእግዚአብሔር ዘንድ ተቀባይነት የለውምና::

    በሁለተኛ ደረጃ እንስሳውን ወደ መገናኛው ድንኳን ካመጣ በኃላ የሚቀጥለው ድርጊት ኃጢአት የሠራው ሰው እጁን በወይፈኑ ላይ መጫን ነው:: ይህም ሰውዬው የሠራውን ኃጢአት እንስሳው እንደሚሸከም የሚያሳይ ነው:: የሰውዬውን ኃጢአት የተሸከመው እንስሳ እንግዲህ ሰውዬው ሊቀበለው የነበረውን የሞት ፍርድ ይቀበላል ማለት ነው:: ስለዚህም በእርሱ ፋንታ እንስሳው ይታረዳል::

    በሶስተኛ ደረጃ ደግሞ ካህኑ የከብቱን ደም ወስዶ በእግዚአብሔር ፊት በመገናኛው ድንኳን ይረጨዋል:: ይህም እግዚአብሔር መሥዋዕቱን እንደተቀበለና የሰውዬውም ኃጢአት እንደተሰረየለት፣ ሰውዬውም ከእግዚአብሔር ዘንድ ምህረትን እንደተቀበለ ያመለክታል:: ይህንንም ሥርዓት ኃጢአት በሠሩ ቁጥር ያደርጉ ነበር::

    "...ደምም ሳይፈስ ስርየት የለምና"

    ነገር ግን በአዲስ ኪዳን እግዚአብሔር የዓለምን ኃጢአት ሁሉ በአንድ ጊዜ የሚያስወግድ የራሱን በግ ነው ያዘጋጀልን:: እርሱም ሰማያዊው የእግዚአብሔር በግ ኢየሱስ ክርስቶስ ነው::

    "በነገው ዮሐንስ ኢየሱስን ወደ እርሱ ሲመጣ አይቶ እንዲህ አለ፣ እነሆ የዓለምን ኃጢአት የሚያስወግድ የእግዚአብሔር በግ::" ዮሐ 1፣29

    ኃጢአትን ለአንዴና ለመጨረሻ ጊዜ የሚያስወግድ የእግዚአብሔር በግ ኢየሱስ ክርስቶስ ነው:: በብሉይ ኪዳን ለመሥዋዕት ይቀርቡ የነበሩት ኮርማዎችና ፍየሎች በጎችም ሁሉ የእውነተኛው የእግዚአብሔር በግ የኢየሱስ ምሳሌዎች ብቻ ናቸው እንጂ ኃጢአትን ለአንዴና ለመጨረሻ ጊዜ ማስወገድ አይችሉም::

    "ሊቀ ካህናትም ሁሉ ዕለት ዕለት እያገለገለ ኃጢአትን ሊያስወግዱ ከቶ የማይችሉትን እነዚያን መሥዋዕቶች ብዙ ጊዜ እያቀረበ ቆሞአል፣ እርሱ (ኢየሱስ) ግን ስለ ኃጢአት አንድን መሥዋዕት ለዘላለም አቅርቦ በእግዚአብሔር ቀኝ ተቀመጠ" ዕብ 10፣11-12

    ኢየሱስ ክርስቶስ ዘላለማዊ የሆነ መሥዋዕት፣ ይኸውም ራሱን በማቅረቡና ደሙን በማፍሰሱ ለሰው ልጆች ሁሉ ኃጢአት ስርየት ብቸኛ መንገድ ነው:: ከእግዚአብሔር በግ በስተቀር ኃጢአትን ሊያስወግድ የሚችል ምንም ነገር የለም::

    ኢየሱስ ክርስቶስ ለሰዎች ኃጢአት ከመሠዋቱ በፊት ልክ እንደ ብሉይ ኪዳን መስዋዕቶች ነውር የሌለበት መሆኑ መረጋገጥ ነበረበት:: ነውር የሚያመለክተው ኃጢአትንና መተላለፍን በእግዚአብሔር ፊትም መርከስንና ተቀባይነት ማጣትን ነው:: ኢየሱስ ግን ያለ ኃጢአት የኖረ በመሆኑ ለመሥዋዕትነት ብቁ ነው:: ኢየሱስ በኖረበት ዘመን የነበሩ የእርሱ ተቃዋሚዎች ፈልገውና መርምረው ያላገኙት ነገር ኃጢአት ነው:: ስለዚህም ኢየሱስ ራሱ እንዲህ ብሎ ይጠይቃቸው ነበር:-

    "ከእናንተ ስለ ኃጢአት የሚወቅሰኝ ማን ነው?" ዮሐ 8፣46

    ማነው እየሱስን ስለ ኃጢአት የሚወቅስ? ኃጢአት ሠርቷል ብሎ ወደ ኢየሱስ እጁን የሚጠቁም ማን ነው? ስህተትና ነውር ተገኝቶበታል ብሎ በኢየሱስ ላይ የሚነሳ ማን ነው? በሰማይም በምድርም ኢየሱስን ስለ ኃጢአት የሚወቅስ ማንም የለም:: በምድርም ላይ ያለአንዳች ኃጢአት (ነውር) የኖረ ብቸኛ ሰው እርሱ ብቻ ነውና::

    "እርሱም ኃጢአት አላደረገም፣ ተንኮልም በአፉ አልተገኘበትም..." 1ኛ ዼጥ 2፣22-23

    ኢየሱስ ነውርና ነቀፋ የሌለበት የሰው ልጆችን ኃጢአት ሊያስተሰርይ የሚችል የእግዚአብሔር በግ ነው ! የሌላ ሰው ደም ግን እንኳን የዓለምን ይቅርና የራሱንም ኃጢአት ሊያስተሰርይ አይችልም::

    "ልዩነት የለምና፣ ሁሉ ኃጢአትን ሠርተዋልና የእግዚአብሔርም ክብር ጎድሎአቸዋል..." ሮሜ 3፣22-23

    ሌላው ልክ የብሉይ ኪዳን እንስሳት እጅ ተጭኖባቸው የሰውን ኃጢአት እንደሚሸከሙ፣ ኢየሱስም የሰዎችን ኃጢአት መሸከም ነበረበት:: አንድ ከብት የሚሸከመው የአንድን ሰው ኃጢአት ብቻ ነበረ፣ ኢየሱስ ግን የዓለምን ኃጢአትና በደል ሁሉ በራሱ ላይ ተሸክሞ በእኛ ፋንታ መከራንና ሞትን ተቀበለ:: ለእኛም ሲል ተሠዋ::

    "...እግዚአብሔርም የሁላችንን በደል በእርሱ ላይ አኖረ::"
    ኢሳ 53፣6
    "...ጻድቅ ባሪያዬም በእውቀቱ ብዙ ሰዎችን ያጸድቃል፣ ኃጢአታቸውንም ይሸከማል::" ኢሳ 53፣11
    "...እርሱ ራሱ በሥጋው ኃጢአታችንን በእንጨት ላይ ተሸከመ..." 1ዼጥ 2፣24

    ነውርና እንከን የሌለበት የዓለምን ኃጢአት የሚያስወግድ ብቸኛ የመስዋዕት በግ ኢየሱስ ክርስቶስ ነው:: አምላክ ሰው ሆኖ ወደ ምድር የመጣበት ዋነኛ ምክንያት እንግዲህ ለችግራችን መንስኤ መፍትሔ ለመስጠት ነው::

    "...እነሆ የዓለምን ኃጢአት የሚያስወግድ የእግዚአብሔር በግ::" ! ዮሐ 1፣29

    ኢየሱስ መስዋዕት ሲሆንና ለእኛም ደሙን ሲያፈስ በድብቅና በድንገተኛ ሞት አልነበረም:: ነገር ግን ነግሥታትና የሃይማኖት መሪዎች፣ ካህናቱም ሕዝቡም ሁሉ እያወቁና እያዩ በእግዚአብሔር ፊት መስዋዕት ሆነ:: ንጹህ የሆነውንም ደሙን አፈሰሰልን::

    በመጨረሻም በብሉይ ኪዳን የከብቶችን የመሥዋዕት ደም ሊቀ ካህናት ወስዶ ወደ እግዚአብሔር እንደሚያቀርብና የመገናኛውንም ድንኳን እንደሚረጭ፣ የመሥዋዕት በግም ሊቀካህናትም የሆነው ኢየሱስ ከሙታን በመነሳት የራሱን ደም ይዞ ወደ እውነተኛው የእግዚአብሔር መኖሪያ ወደ ሰማይ በመሄድ በደሙ ይቅርታንና የኃጢአትን ስርየት ከእግዚአብሔር ዘንድ አስገኘልን:: እግዚአብሔርም ይህንን መሥዋዕት በደስታ ተቀብሎታል:: ኢየሱስ አንዳች ተጨማሪ የማያስፈልገው የዓለምን ኃጢአት ሁሉ የሚያነጻና ከእግዚአብሔር ጋር የሚያስታርቅ በቂ የመሥዋዕት በግ ነው::

    ከጥንት ጀምሮ ሰዎች ከእግዚአብሔር ጋር የተስተካከለ ግንኙነት ለማድረግ የተለያዩ መሥዋዕቶች ያቀርባሉ:: አንዳንዶች እግዚአብሔር ያዘዛቸውን ሌሎችም በራሳቸው የገመቱትንና የመሰላቸውን ያቀርባሉ:: ቁም ነገሩ ግን እግዚአብሔር መሥዋዕትን ሁሉ ይቀበላል ወይ? ለኃጢአት ስርየት ይሁን ወይም ወደ እርሱ ለመቅረብ በሚደረግ ድርጊት ሁሉ እግዚአብሔር ደስ ይሰኛል ወይ? ልንጠይቅ የሚገባን ዋና ነገር ይሄ ነው::

    በመጽሐፍ ቅዱስ የመጀመሪያውን መሥዋዕት ለእግዚአብሔር ያቀረቡት አቤልና ቃየን የተለያዩ መሥዋዕቶችን እንዳቀረቡ እንመለከታለን::

    "ከብዙ ቀንም በኋላ ቃየን ከምድር ፍሬ ለእግዚአብሔር መሥዋዕትን አቀረበ፣ አቤልም ደግሞ ከበጎቹ በኩራትና ከስቡ አቀረበ::"
    ዘፍ 4፣3-4

    አቤልም ቃየንም መሥዋዕትን አቅርበዋል፣ ነገር ግን እግዚአብሔር የሁለቱንም መሥዋዕት ይቀበላል ወይ? መሥዋዕቶቻቸውም፣ አንዱ በውስጡ ደም ያለው የሚንቀሳቀስ በግ፣ ሌላውም በድን የሆነ የምድር ፍሬ፣ እግዚአብሔር በሁለቱም መሥዋዕቶች ይደሰታል ወይ? አይኖቹስ ወደ ሁለቱም ይመለከት ይሆን?

    "እግዚአብሔርም ወደ አቤልና ወደ መሥዋዕቱ ተመለከተ፣ ወደ ቃየንና ወደ መሥዋዕቱ ግን አልተመለከተም:: ቃየንም እጅግ ተናደደ ፊቱም ጠቆረ::" ዘፍ 4፣4-5

    ሰዎች እንደመሰላቸው ወደ ሚያቀርቡት መሥዋት ሁሉ እግዚአብሔር አይመለከትም:: ለኃጢአት ሥርየት የማይሆን በድን መሥዋዕትን እግዚአብሔር አይቀበልም:: ለኃጢአታችን ሥርየት ይሆናል፣ ወደ እግዚአብሔርም ያቀርበናል ብለን እንደፈቃዳችን በምናደርገው ድርጊት ሁሉ እግዚአብሔር ደስ አይሰኝም::

    "...ወደ ቃየንና ወደ መሥዋዕቱ ግን አልተመለከተም::" !

    ኃጢአትን ያስተሰርያል ብለን ወደምናቀርበው፣ ወደ ሞተና በድን ወደ ሆነ የተለያየ የስግደትና የጸሎት ሥርዓት ሁሉ እግዚአብሔር አይመለከትም ! ነገር ግን ሕያው ወደ ሆነ፣ ነውርና እንከን ወደ ሌለው የደም መሥዋዕት እግዚአብሔር ይመለከታል::

    አንተስ ለኃጢአት ስርየት በእግዚአብሔር ፊት የምታቀርበው መሥዋዕት ምንድነው? የሞተ የሃይማኖት ሥርዓት ነው? ወይስ የተለያዩ መልካም የሚመስሉ የሰው ሥራዎች? ወገኔ ሆይ፣ እግዚአብሔር ወደዚህ አይመለከትም ! አንተም እንደ አቤል የደም መሥዋዕት ያስፈልግሃል:: አንተንም እንደ አቤል የበግ መሥዋዕት ያስፈልግሃል:: እግዚአብሔር የተመለከተውና የተቀበለው የደም መሥዋዕት እርሱም ኢየሱስ ክርስቶስ ያስፈልግሃል::

    እነሆ፣ የዓለምን ኃጢአት የሚያስወግድ የእግዚአብሔር በግ !

    በአዲስ ኪዳን ኮርማዎችንና ፍየሎችን ለእግዚአብሔር አናቀርብም:: ነገር ግን ለአንዴና ለመጨረሻ ጊዜ ነውር የሌለው የእግዚአብሔር በግ ኢየሱስ ስለ ኃጢአታችን ታርዷል:: ዛሬ እግዚአብሔር፣ ራሱ ካዘጋጀው በግ ከኢየሱስ ሌላ ወደ ማናቸውም መሥዋዕቶች አይመለከትም፣ በየትኛውም ደስ አይሰኝም፣ በእርሱም ዘንድ ተቀባይነት የላቸውም:: እግዚአብሔር ኢየሱስ ከሙታን አስነስቶ በራሱ ቀኝ ያስቀመጠውም የኢየሱስን መሥዋዕትነት ስለተቀበለ ነው::

    "...እርሱ ግን ስለ ኃጢአት አንድን መስዋዕት ለዘላለም አቅርቦ በእግዚአብሔር ቀኝ ተቀመጠ" ዕብ 10፣12

    እንደ ቃየን በበድን መሥዋዕት አትታመን ! ሊያድን በማይችል የሃይማኖት ሥርዓትና የሰው ፍልስፍና ተስፋ አታድርግ ! ነገር ግን የዓለምን ኃጢአት ሁሉ በሚያስወግደው በኢየሱስ ተማመን ! በእርሱ የሚያምን አያፍርምና::
  • Faith Added Ere be Eyesus Sem yehen seyetanawi temehertachewen kalakomachu ke Egzabher fered yemetabachewal. yehe hone belo le Turiste meseb yetekenaber new. please nesha Gebu yemdan ken zare new. Kegehanem esat ameletu
  • Sisay Added Ato hadis endeante aynetoch metachihu new yalkew hulu bealem lay yetefaw.yemlih kegebah yigbah.egziabher bekidusan lay adro bizu neger yeseral yih ende alet yetenekere emnetachin new.egziabher libuna yistih,sidibna niket kesytan new.
  • kebere Added legnm emebete maryam lehiwetachn lemdrum lesemayum yemihonen melkam tamrat tesayen taseman behiwetachn tsralen amen amen amen?
  • hadis Added Diacon hoy, ibakihin rasihm ataleh , hizbun atatalil, igziabhier sihayin siyakom , fisum sidk balneberebet gizie new yalkew, Ere ibakihin tew, tadia ahun new sidkina kidisina yalew? zimut bebezabet , fikir betefabet zemen ,wend kewend, siet ksiet kaltegaban, yfekedilin bilo adebabay bemiwetabet seat hizbu yalebetin zemen mayet tesaneh indie, weyis kehizbi sayhon, kidisina be bietekiristian silale new litilegn indayhon, gieta egzibhier mehari silehone yikir yibelih, yilik iwnetegnawen yemedan timhirt atastemirim , medan keyet indehone atinegrachewm , yehizbu dem egziabhier indemibekelih atawkemn?
    ,
Watch new Ethiopian movies. Visit the new Sodere.com website or download the mobile application for iPhone and Android. Choose your phone type. iPhone   Android     iPad
Watch new Ethiopian movies. Visit the new Sodere.com website or download the mobile application for iPhone and Android. Choose your phone type. iPhone   Android     iPad
RSS